Ali Arman's Official Website

قراتِ تیرگی کرنے لگیں قندیلیں بھی دیکھتی رہ گئیں منہ رات کی تاویلیں بھی ابرھہ اب ترے لشکر کو کوئی خوف نہیں سنگ کعبے پہ گراتی ہیں ابابیلیں بھی قتل کرنے لگے قرآن اٹھا کر وہ مجھے میری تصلیب میں شامل ہوئیں انجیلیں بھی قصہ ءنور کے حیرت بھرے افسانے میں آگ اور خون سے لکھی ہوئی تمثیلیں بھی تیرا دعوٰی بھی غلط فہمی پہ مبنی ہے میاں میری خوش فہمیاں نکلیں مری تکمیلیں بھی روشنی اچھی ہے آنکھوں کی اسے دل میں بھی لا دیکھ اس حجرہ ءتاریک کی تفصیلیں بھی جس کو دعوٰی تھا بہت عشق میں غم کھانے کا بھر گئیں اس دل عیار کی زنبیلیں بھی … Read entire article »

ہم خراباتِ غمِ خاک میں رہنے والے اب کہاں ہیں ترے افلاک میں رہنے والے وحشتِ شعلہءِ منصور کو کیا سمجھیں گے یہ چراغوں کی طرح طاق میں رہنے والے تو نے خود ہی تو نکالا تھا ہمیں جنت سے اب نہیں ہم ترے ادراک میں رہنے والے جنبشِ دستِ ہنرور میں ہیں کوزوں کے نقوش یہ نہیں خاک میں یا چاک میں رہنے والے اُس کو ڈر ہے کہ یہاں جڑ نہ پکڑ لیں اک دن انتشارِ خس وخاشاک میں رہنے والے ان بگولوں سے ترا دشت اُدھڑ جائے گا کبھی اُٹھے جو تری دھاک میں رہنے والے یہ تعلّی ترے منہ سے نہیں اچھی لگتی اے مرے انفس و آفاق میں رہنے والے ترے ملبوس کے لپکے سے تو لگتا ہے مجھے یہ ستارے نہیں پوشاک میں رہنے والے کسی حیرت کا گزر ہی نہیں اِس جنگل سے ہم ہیں جس آئنے کی تاک میں … Read entire article »