ابرھہ اب ترے لشکر کو کوئی خوف نہیں
سنگ کعبے پہ گراتی ہیں ابابیلیں بھی

قتل کرنے لگے قرآن اٹھا کر وہ مجھے
میری تصلیب میں شامل ہوئیں انجیلیں بھی

قصہ ءنور کے حیرت بھرے افسانے میں
آگ اور خون سے لکھی ہوئی تمثیلیں بھی

تیرا دعوٰی بھی غلط فہمی پہ مبنی ہے میاں
میری خوش فہمیاں نکلیں مری تکمیلیں بھی

روشنی اچھی ہے آنکھوں کی اسے دل میں بھی لا
دیکھ اس حجرہ ءتاریک کی تفصیلیں بھی

جس کو دعوٰی تھا بہت عشق میں غم کھانے کا
بھر گئیں اس دل عیار کی زنبیلیں بھی

وحشتِ شعلہءِ منصور کو کیا سمجھیں گے
یہ چراغوں کی طرح طاق میں رہنے والے

تو نے خود ہی تو نکالا تھا ہمیں جنت سے
اب نہیں ہم ترے ادراک میں رہنے والے

جنبشِ دستِ ہنرور میں ہیں کوزوں کے نقوش
یہ نہیں خاک میں یا چاک میں رہنے والے

اُس کو ڈر ہے کہ یہاں جڑ نہ پکڑ لیں اک دن
انتشارِ خس وخاشاک میں رہنے والے

ان بگولوں سے ترا دشت اُدھڑ جائے گا
کبھی اُٹھے جو تری دھاک میں رہنے والے

یہ تعلّی ترے منہ سے نہیں اچھی لگتی
اے مرے انفس و آفاق میں رہنے والے

ترے ملبوس کے لپکے سے تو لگتا ہے مجھے
یہ ستارے نہیں پوشاک میں رہنے والے

کسی حیرت کا گزر ہی نہیں اِس جنگل سے
ہم ہیں جس آئنے کی تاک میں رہنے والے

کائناتوں میں ہیں جتنے بھی چمکتے ہوئے جسم
ہیں ترے خندہءِ بیباک میں رہنے والے

کیا مرے وقت کی تجرید سمجھ پائیں گے
یہ شب و روز کے اوراق میں رہنے والے

میرے سینے میں سسکتے ہوئے صحرا پہ برس
اے مرے دیدہءِ نمناک میں رہنے والے

اب وہی وسوسے ہیں میرے شکاری ارمان
جو کبھی تھے مرے فتراک میں رہنے والے

Now I am scaring myself
like rotten roots in dark damp mud
Want to grow out to shower
In the sunshine and shed
The darkness and vomit
The depressed damp and dazzle with green
And grin with gratitude to the wind
Which mingles her blossom with
New born branches and shares
Her breath with death so the spring
Can spring and smile a smile
Which is the first and the last
Way out of the scary selfish stinginess.
O April o April I have conserved and concealed
in my sighs, some kisses for your cheeks
and some tears for your leaves.
I am waiting and I am
Scared.

دھبے ہیں کچھ خوشی کے بھی صاحب کہیں کہیں
جائیں جدھر بھی منظرِ محزوں نہیں وہاں

باغوں میں ہے وہاں بھی یہی بادِ نا مراد
لیکن ہر ایک پھول کا دل خوں نہیں وہاں

چکر وہاں بھی چلتا ہے اس بدقماش کا
سنتے تھے اے زمین کہ گردوں نہیں وہاں

کیوں مفلسِ حیات لپکتے ہیں سوئے مرگ
صاحب کوئی خزانہءِ قاروں نہیں وہاں

ارمان آج سالگرہ ہے چراغ کی
اور رات پوچھتی ہے کہ میں کیوں نہیں وہاں